13th September, 2021 ![]()
![]()
![]()
![]()
![]()
![]()
最近喺親子討論區入面，有位媽媽表示擔心自己嘅工作會影響到親子關係同埋囝囡成長，引起咗好多迴響。一齊嚟睇下其他在職媽媽點樣兼顧好事業同家庭啦！
有部份在職媽媽表示擔心，因為自己對小朋友嘅時間冇工人姐姐或者爺爺嬷嬤對得多，所以小朋友中意痴祖父母同埋工人姐姐多過同爸爸媽媽相處。
有啲在職媽媽話要翻工，翻屋企又要照顧小朋友唔容易，覺得好攰好難頂。
有家長表示，每日抽15分鐘陪小朋友玩/睇書已經好足夠，而且親子時間應該要重質不重量，最緊有計劃，而且堅持到落去。
唔少家長都好認同，點樣放低手機同小朋友玩都係好重要，而且係最困難嘅一環。好多家長星期六日帶小朋友出去玩，但自己又機不離手，佢地究竟係陪手機出街，定係陪小朋友出街呢？
有在職媽媽表示，全職媽媽同囝囡相處時間長，先會容易同小朋友有磨擦，一樣會有親子問題。反而在職媽媽放工翻屋企之後先唔會同小朋友鬧交，因為佢地會好珍惜同小朋友嘅親子時間。
無論係在職定係全職照顧小朋友，只要肯付出時間去照顧小朋友，付出係會有回報嘅。點都好，每日都應該要同小朋友有溝通時間，而且要有質素，放低手機，認真聆聽小朋友嘅心聲，相信各位爸爸媽媽都可以做到小朋友最好嘅夥伴。
翻工要OT，又唔得閒管教小朋友，翻到屋企又攰又懶得處理小朋友啲教養問題？小君子帶咗好幫手比各位在職家長！用小君子應用程式Gentle Kids，家長可以選擇特定教養任務比小朋友做，家長可以睇到小朋友嘅學習成果，而且App內有唔同親子活動資訊、教學資源、互動功能，等各位辛苦工作嘅爸爸媽媽可以更有效率咁同小朋友互動，提升親子關係，小朋友又可以寓學習於娛樂，咁多着數仲等咩阿！？
更多推薦文章：
【君子養成路】上班很忙下班很累，還能如何做到有質素的親子互動？