5th October, 2021 ![]()
![]()
![]()
![]()
![]()
![]()
管教小朋友嘅時候，你有冇三句唔埋兩句就會鬧小朋友，或者「呢樣唔好，個樣又唔好」呢？華人傳統文化好多時候都會偏向對小朋友嚴厲，以責備形式去教導小朋友嘅良好品格。美國心理學家Gottman父婦喺近年研究中研發出一種強化親子關係嘅方法，叫做「5:1教養法」。呢種方法可以有效咁令關係處於正面情緒入面，令雙方都可以獲得滿足感。
正向表達方式嘅重要性
研究證明，家長以正面積極嘅相處方式同小朋友溝通可以令小朋友發展得最好，而且親子關係亦會較為和諧。正面嘅溝通可以令小朋友更加願意去同爸爸媽媽共處，從而建立緊密嘅關係。（推薦閱讀：【君子樂活】5個活動 加深親子聯繫）
讚賞與批評黃金比例 5:1
小朋友會犯錯在所難免，而家長喺管教小朋友嘅時候都難免會用批評嘅方式教育小朋友，但係專家建議正負方式比例應該要做到5：1，甚至更高。正面即係指要稱讚、感謝、欣賞小朋友；而負面就係用批評、責罵嘅方式。以呢種比例去管教小朋友，係小朋友最容易接受嘅管教方法，亦係最有效嘅教養模式。（推薦閱讀：【君子養成路】將近青春期 留意6點 助孩子茁壯成長）
過多責罵嘅壞處
家長如果凡事都以責罵嘅形式去教導小朋友，不單止會令小朋友發展延遲，更會破壞親子關係。小朋友會對經常責罵佢地嘅家長產生負面想法，甚至會令佢地自己對自身產生負面印象，繼而令佢哋失去信心，無法有勇氣去嘗試新事物及面對挑戰。（推薦閱讀：【君子養成路】小朋友講不聽，說不動？好頭痕，怎辦好？！）
猜你還喜歡這些內容：
【君子養成路】如何幫助孩子提升抗逆力？面對困境仍能積極面對？