同理心喺小朋友嘅社交心理發展當中可以話係最重要嘅一個元素，而作為家長嘅你，培養小朋友嘅同理心更加係責無旁貸。除外普通勸化，用講道理嘅形式講之外，仲有啲咩方法呢？今日小君子就為各位家長帶嚟8個協助小朋友建立同理心嘅小貼士，等各位家長都可以輕鬆培養出品學兼優嘅「小君子」啦！
1. 討論喜好
鼓勵小朋友認識朋友時可以了解對方嘅喜好，透過呢個步驟，佢哋會嘗試代入其他人嘅諗法，思考點解佢哋會有呢種喜好同埋睇法，所以呢個係個鼓勵小朋友設身處地嘅好方法 (更多閱讀：【君子養成路】小朋友經常半途而廢？小君子送你五招教子女實踐目標！)。
2. 真實體驗
無任何學習方式比第一身感受嚟得有效，要小朋友培養出同理心就要令佢哋多啲處於唔同嘅環境入面，體驗一下其他人嘅感受 (更多閱讀：【君子養成路】讓子女學會獨立生活 不妨就從這幾件事開始！)。
3. 家長示範
家長如果想小朋友有同理心，自己作為最親近小朋友嘅人，應該要樹立一個好榜樣俾小朋友學習。但係要注意，小朋友好識得察覺出家長係咪講緊大話，所以家長一定要展示出自己係真誠咁同情同體諒其他人，從而小朋友先會學識同理心 (更多閱讀：【君子養成路】父母的陪伴會影響孩子到長大？)。
4. 正念練習
正念練習可以令小朋友放鬆心情，提升自我察覺能力，而自我察覺能力亦有助小朋友察覺他人嘅情緒。正念練習唔一定要係參與瑜珈或者暝想，只要簡單咁深呼吸、靜坐一陣，就已經可以係一種訓練。
5. 告訴孩子現實
唔少家長會避免告訴小朋友唔開心嘅事，例如親人患上重病等事件，家長擔心小朋友無法承受到呢啲事。但係「避得一時，避唔得一世」，唔畀小朋友知道呢啲事並唔會令小朋友日後更加堅強，反而應該加以教導及講解，從而培養佢地嘅同理心 (更多閱讀：【家長難題】屋企有親人離世，我要點樣同佢解釋好？)。
6. 不要掩飾情緒
家長好多時為咗自尊心，選擇唔畀小朋友察覺自己嘅內心感受。適當嘅情緒表達可以令小朋友情緒察覺能力更高，更具同理心 (更多閱讀：【君子養成路】製作謊言接納計畫 教會仔女不害怕令父母失望)。
7. 制定同理心訓練劇本
同理心係需要長期訓練嘅野，為訓練小朋友嘅同理心，家長可以諗定一啲同理心劇本，係一啲小朋友遇到唔同情況嘅時候要同佢地講嘅句子。例如，見到病咗嘅屋企人就要同佢哋講「XX發燒發到頭暈頭痛，仲好攰啊！你可唔可以幫手照顧佢啊？」。
8. 拓寬社交圈子
多接觸唔同文化同背景嘅人可以有效咁培養小朋友嘅同理心，因為接觸呢啲人嘅過程，可以俾到佢哋寶貴嘅經驗去理解同自己差異較大嘅人。
猜你還喜歡這些內容：