鋼琴、芭蕾舞、游泳、珠心算，呢啲都係傳統爸爸媽媽會帶小朋友去上嘅興趣班，但係隨着社會資源變得豐富，社會、學校甚至父母對於小朋友的發展要求變得更多元化，不再是單單限於傳統興趣。近年，政府不斷推行STEM教育方針，要將STEM教育推行至各中小學，而且未來的社會的需求將十分側重於STEM相關的能力，因此最近有不少新興嘅興趣班，致力於培養小朋友嘅STEM能力，即是數學、科學、科技、工程。今日小君子就為大家介紹3類非傳統興趣班。（推薦閱讀：【教育貼士】填鴨式教育將被淘汰 認識教學新概念STEAM）

1.編程課程

現今為網絡世代，而網絡就是由唔同嘅程式碼所組成，而工程相關嘅前景都十分好，因此近年嘅工程學系亦成為咗唔少學生升學選科嘅首選。然而，中小學嘅課程中甚少會學習相關技能，所以唔少學生喺呢方面嘅知識基礎比較簿弱，所以近年多咗唔少有提供編程課程嘅學院，等小朋友可以及早培養對機械嘅興趣，以及打好編程基礎。

2.科學課程

香港中小學生比國外學生較遲接觸到科學等領域，而且教學方法也側重於書本知識嘅背誦，欠缺實踐，但係科學唔單止講求理論，仲要有實驗或者係研究經驗，以及創新思維去學習。近年黎都有唔少科學證書課程，等小朋友喺學習嘅同時，可以以實驗嘅形鞏固科學知識，以及提早培養創新思維。（推薦閱讀：【君子樂活】和孩子一起做STEAM手工 訓練腦力和發揮創意吧！）

3.棋藝課程

數學喺STEM教育中十分重要，亦係小朋友從小到大最容易建立嘅基礎知識，棋藝可以令小朋友培養良好嘅邏輯，尤其係圍橫等棋藝，有研究證有助提升學生嘅數學能力。喺幾年前，韓國棋手李世石與Google研發嘅圍棋電腦程式一役後，圍棋亦掀起咗一陣瘋潮。（推薦閱讀：【君子養成路】養成最強孩子？培養獨立思考能力才是王道！）