2021年10月26日 ![]()
![]()
![]()
![]()
![]()
![]()
體罰對上一代嘅小朋友嚟講係一件再正常不過嘅事，好多上一代父母都覺得體罰十分有效，甚至會將子女嘅成功歸功於體罰。但唔少研究證明，體罰成效未如預期。而體罰子女只會令佢地自尊感下降，所以現今大部份教育學者同家庭輔導員都希望父母停止體罰子女。如果唔用體罰嘅方式，各位爸爸媽媽又有咩方法去教育小朋友呢？
1.時間暫停
呢個方法唔洗用時光機都唔需要好似奇異博士咁用時間寶石，只需係小朋友開始「發惡」嘅時候，要佢自己去一個指定角落調節翻自己嘅情緒。呢個方法係個好方法俾小朋友學識調節心情，同時家長都可以有個時間冷靜，思考一下點樣教育子女。（推薦閱讀：【君子養成路】孩子駁嘴 如何不傷感情應對？）
2.剝奪權力
呢到嘅權力唔係指食野、沖涼、休息等生存權力，而係指一啲令佢地獲得額外快樂嘅權力，例如睇電視、食零食等等。除咗剝奪，家長都應該設立一啲規則俾佢哋重奪權力，即係用好嘅行為去爭取權力。例如，透過自己執拾房間去重拾睇電視嘅權力。（推薦閱讀：【君子養成路】以為恐嚇式管教很有效？只是一時見效，一生心靈創傷）
3.忽略輕微不當行為
小朋友一啲瑣碎嘅行為，例如因為不滿爸爸媽媽而細細聲。但研究證明，適當嘅無視可以令小朋友知道咩係父母唔中意嘅行為，因為小朋友最怕就係父母唔理佢哋。（推薦閱讀：【君子養成路】如何可以正面地與孩子溝通？認識5:1 教養法）
4.容讓佢哋自作自受
父母唔想小朋友做某樣野係想避免佢哋受傷，例如冬天出門想佢哋著褸係唔想小朋友冷親。但係如果小朋友因為唔想著而頂撞家長，家長大可以由得佢哋唔著，等佢哋自行承擔後果，要記住喺父母懷抱入面嘅小朋友係長唔大。（推薦閱讀：【家庭相處】拒做「衣來伸手，飯來張口」的港孩，從生活小習慣開始讓孩子學會自理！）
猜你還喜歡這些內容：